rang

ранг

7 ta lugʻatda uchraydi JSON Shevalarda Barcha qidiruv natijalari

Izohli lugʻat

rang I

ot 1. Boʻyash uchun ishlatiladigan modda; boʻyoq.

Quruq rang. Ipak boʻyaydigan rang. Rang bermoq.

Stadion remont qilina boshlagan, panjaralar qizil, sariq rangga boʻyalgan. — Yoshlik

2. snt. Rangtasvirning asosiy ifoda va tasvir vositasi.

3. Narsalarga surtilgan yoki singdirilgan boʻyoq, sir.

Shipi sharqcha naqshdor uy, naqshlari eskirib, rangi xiralangan, lekin hali diqqatni tortarlik holda. — Oybek, Tanlangan asarlar

Bugun u ishdan barvaqt qaytdi. Och zangori rangga boʻyalgan darvozadan oʻtib, hovliga kirdi. — Oʻ. Hoshimov, Qalbingga quloq sol

4. Biror narsaning oʻziga xos boʻyogʻi; tus.

Rangi sariq roʻmol. Hayvonlarning muhitga moslashadigan rangi. Olmaga rang kirib qoldi.

Gʻoʻzalarning rangini koʻrgan sari, ichginam tuzday achiydi. — N. Safarov, Jasoratning davomi

Bir tup daraxtda qancha shox-shabba, qancha rang, qancha gul-meva, qanchalab sir-sinoat bor. — Gazetadan

Ovqat pishdi. Qozonning zangi chiqib qoraygan goʻjaga qatiq ham rang kirgizolmadi. — A. Qahhor, Anor

5. Kishining yuzidagi qizillik darajasi.

Uning rangida qoni yoʻq. Uning rangi qip-qizil. Rang koʻr, hol soʻr. — Maqol

Negadir Charosning yuzi xuddi shu gul bilan bir xil rangda ekanini endi sezdi. — Oʻ. Hoshimov, Qalbingga quloq sol

Tursunoy bilan Sharofatning rangi boʻzday oqardi. — Oybek, Tanlangan asarlar

6. koʻchma Gap, nutq, ohang va shu kabilardagi nozik boʻyoq, tus; koʻrinish, jilva.

Bir zumdan keyin yana ayni tovush parvoz qildi. Ammo oʻzga maqomda koʻngilni yana qattiqroq sehrlovchi ranglar bilan. — Oybek, Tanlangan asarlar

Bir-ikki kun miyonasidagi kechinmalar

turli rang bilan uning uyquli dimogʻida akslana boshladilar. — A. Qodiriy, Oʻtgan kunlar

Eng yaqin kishilaridan ham yashirib yurgan, allaqachon oʻtmish daftarlarida rangi xiralashib ketgan xotiralar birdan tugʻyon urdi. — Oʻ. Hoshimov, Qalbingga quloq sol

Rangi ham, tusi ham namoyon dunyo, Qirqmi ellik bu, umr oʻrtasi. — A. Oripov, Yillar armoni

7. koʻchma Jonlilik, fayz.

Toshkentlik mashhur bir boyning xasisligi haqida eng keyingi, hali hech kimning qulogʻiga chatilmagan latifalar suhbatga rang berib turar edi. — Oybek, Tanlangan asarlar

Rangi ketib qolmoq Yuzida dard, ogʻriq, uyqusizlik azobi namoyon boʻlmoq; ozib, toʻzib ketmoq. — Ranging ketib qolibdi, — dedi u Dilfuzaning koʻzlariga tikilib. Oʻ. — Hoshimov, Qalbingga quloq sol
Rangi siniqmoq Yodgor uning rangi siniqib, koʻzlari kirtayib qolganini sezar, iztirob chekib yurganini bilar, yugurib borib, qoʻlidan tutgisi, men seni sogʻinib ketdim axir, degisi kelar, ammo jurʼati yetmas, bunday qilishga oʻzini haqsiz deb bilar edi. — Oʻ. Hoshimov, Qalbingga quloq sol
Rangi oʻchib ketmoq 1. Rangi oqarib, boʻzarib ketmoq. — Haqorat qildi! — dedi Iskandarov anchadan keyin tilga kirib. U rangi oʻchib, oʻrnidan turib ketdi: — Nega meni haqorat qilding, iflos! — Oʻ. Hoshimov, Qalbingga quloq solIkki-uch olishdayoq laganning rangi oʻchib ketdi. — Gʻ. Gʻulom, Shum bola

rang II

ot dipl. harb. Unvon, rutba darajasi.

Birinchi rang kapitani.

rang III

ot Qiyoqqa oʻxshash yovvoyi oʻsimlik.

Oʻzbekcha-turkcha izohli lugʻat

RANG

Boʻyash uchun ishlatiladigan modda, boʻyoq.RENK

Axborot-kommunikatsiya texnologiyalari izohli lugʻati

rang

Muayyan elektromagnit spektrli yorugʻlikni koʻz bilan sezish. Kompyuter grafikasida rang uchta xususiyat bilan tavsiflanadi: - tus, yorugʻlik nuri chastotasi bilan belgilanadigan sifat; - toʻyinganlik, rangning berilgan tus bilan ifodalanish darajasi odatda foizlarda belgilanadi; - yorqinlik, nurlanish energiyasi darajasi (yorugʻlik oqimining zichligi). Kompyuter tizimlarida rang bir necha model bilan tavsiflanishi mumkin. Masalan, keng tarqalgan asosiy “qizil, yashil, koʻk” ranglarning yagona tarzda birikmasi RGB deb ataluvchi model. Oq qogʻozga chop etishda “feruza, toʻq-qizil, sariq” CMYK modelidan foydalaniladi.inglizchacolorruschaцвет

Ruscha-oʻzbekcha va oʻzbekcha-ruscha lugʻat

rang

1. краска

2. загадка цвет, окраска

oʻzi ariq, rangi sariq, yuzi qizil, boshi qiltiq сама чиста, цветом желтовата, щеки красноваты,

Inglizcha-oʻzbekcha, oʻzbekcha-inglizcha lugʻat

rang I

n 1. colour

2. paint, dye (gazmol haqida)

rang II

n harb. rank, class