Qidiruv

ayr. bogʻl. Uyushiq boʻlaklarni yoki ikki sodda gapni ayirib bogʻlash uchun xizmat qiladi (bunda u takrorlanib, galma-gallikni, voqea-hodisalarning galma-gal roʻy berishini ifodalaydi).

Goh kuladi, goh yigʻlaydi. Goh men borar edim, goh u kelar edi.

Goh sogʻ, goh kasal onaning taqdiri Komilani tashvishga soladi. — Oybek. Oltin vodiydan shabadalar.

Ikki kundan beri goh sevalab, goh shiddat bilan yogʻayotgan yomgʻir hamma yoqni ivitib yubordi. — A. Qahhor, Qoʻshchinor chiroqlari

adv sometimes

— Goho birpas eshikka chiqaman, — javob berdi soqolini tutamlab chol. — Oybek, Oltin vodiydan shabadalar.

Goho bu yerda yigʻilishlar ham, majlislar ham boʻlib turadi. — P. Tursun, Oʻqituvchi

Baʼzida ,baʼzan.GAH(A)

rvsh. Baʼzida, baʼzan.

Gohi mahallar Barot polvon nafasini oʻnglab olish uchun picha oʻtirib dam olsa, Gʻulomjon nafas oʻnglashga ketadigan vaqtini ham ayaydi. — M. Ismoiliy, Fargʻona tong otguncha

Bir gapga oʻnta gap toʻgʻrilab turadi. Bularga gap tushuntirolmay, gohida kuyib ketaman, otam, — dedi [Oyimxon]. — P. Tursun, Oʻqituvchi

rvsh. Baʼzi-baʼzida, ahyon-ahyonda, baʼzan.

Nurining qaynanasi goh-goh kelib, Gulnorga boqishar edi. — Oybek, Tanlangan asarlar