Изоҳли луғат
· яна 2 та луғатда
от 1. Катта-кичик болалар; бола-бақра.
Йигит ялт этиб, қўшни далага қаради. У ерда хотин-халажлар, бола-чақалар чувуллашиб, пахта теришаётган эди. — М. Исмоилий, Фарғона тонг отгунча
Ходимларнинг учовида ҳам бола-чақалари бор экан. — М. М. Дўст, Галатепа қиссалари
Бола-чақаларининг орзу-ҳавасини кўришсин. — К. Яшин, Ҳамза
2. Оила аъзолари (хотин ва болалар).
Мусофирлик қийин, бола-чақани соғинади киши. — Ойбек, Танланган асарлар
- Бола-чақа қилмоқ (ёки кўрмоқ) Ўйланиб бола-чақали бўлмоқ. [Мамат Холисхонга:] Бола-чақа кўргандан кейин бир умр бориб туришга ҳам ваъда бераман. — Ҳамза, Паранжи сирлари