Tulki, echki va xoʻroz

Bir kuni xoʻroz tulki bilan uchrashib qolibdi. Ular doʻst boʻlibdilar. Ular bir uyga kelib, osh qilmoqchi boʻlib turganlarida uyga echki kirib kelibdi. Ular osh qilishibdi. Shu vaqt bir narsa dukullab qolibdi. Xoʻroz chiqib qarasa, yoʻlbars emish. Yoʻlbars toʻppa-toʻgʻri uyga kirib kelibdi. Tulki oʻrnidan turib:

— Keling, taqsir, — debdi. Echki childirmani qizdirib yoʻlbarsga beribdi. Yoʻlbars ashula aytibdi:

— Childirmani chalaman,

Boʻlib xushvaqt oʻrgulay.

Echki, xoʻroz, tulkilar

Boʻlgay ovqat oʻrgilay.

Keyin navbat tulkiga kelibdi:

— Yoʻlbarsdek mehmonimiz

Oʻtkir tovush oʻrgulay.

Terisi Boltaboyga

Boʻlar kovush oʻrgulay.

Yoʻlbars qoʻrqqanidan sekin chiqib qochib ketibdi. Shunda tulki ashulani davom ettiribdi:

— Yoʻlbarsdek mehmonimiz

Qildi “arz” oʻrgilay.

Orqasidan qichqirib,

Qoldi xoʻroz oʻrgilay.

Ular hozir ham ashula aytayotgan emish.