Tulki bilan kaklik

Tulki bilan kaklik sichqonlarni tutish uchun oʻt-oʻlan yoqmoqchi boʻlishibdi. Kaklik tulkiga:

— Sen anavi oʻt-oʻlanlarning orasiga yashirinib oʻtir, men bir boshdan yoqa boshlayman, — debdi. Tulki oʻtlar orasidan chuqur topib, tushib oʻtiribdi. Kaklik oʻtlarni yondirib boʻlibdi-da:

— Tulki, qaydasan? Yonib ketmadingmi? — deb soʻrabdi. Tulki “yoʻq” deb chiqibdi. Keyin kaklikka:

— Endi sal nariroqqa boramiz-da, sen yashirinasan, men yoqaman, — debdi. Kaklik qalin oʻt orasiga kirib ketibdi. Tulki oʻtlarni bir boshdan yoqa boshlabdi va kaklikdan: Isib ketmayapsanmi? deb soʻrab turibdi. Shunda tulki oʻtni toʻrt tomondan yoqib yuboribdi. Kaklik jizgʻinak boʻlib ketibdi. Tulki tayyor kaklik kabobni uyiga olib joʻnabdi.