Ikki oʻrtoq

Bir mergan yoʻldan oʻtib borayotgan ekan. Merganning qoʻlida gʻozi bor ekan. Yoʻlda qorni ochib kelayotgan ikki oʻrtoq:

— Shu merganning gʻozini yeb boʻlmasmikan? —debdi. Ikkisi maslahatlashib, merganni chaqirishibdi. Mergan kelibdi. Mergandan gʻozini soʻrashibdi. Mergan:

— Yaxshi, ola qoling, birga yeysiz, — deb gʻozni beribdi.

Ikki oʻrtoq gʻozni qozonga solib pishirishibdi. Keyin:

— Endi uxlaymiz, kim yaxshi tush koʻrsa, gʻozni oʻsha yeydi, — deyishibdi. Mergan ham rozi boʻlibdi.

Uchovi uxlashga yotibdi. Ikki oʻrtoq uxlab qolibdi. Mergan uxlamay yotgan ekan. Pishgan gʻozni yeb qoʻyibdi. Ikki oʻrtoq uyqudan uygʻonishibdi. Oʻrtoqlarning biri ikkinchisidan:

— Sen nima tush koʻrding? — deb soʻrabdi.

Ikkinchisi:

— Men osmonda uchib ketayotgan emishman, sen-chi? — debdi.

— Men dengizda suzib ketayotgan emishman, — debdi.

Soʻng ular mergandan soʻrashibdi:

— Sen nima tush koʻrding?

Mergan aytibdi:

— Men biringizning osmonda uchib ketayotganingizni, ikkinchingizning esa, dengizda suzib ketayotganingizni koʻrdim. Ikki oʻrtada gʻoz qolib ketmasin deb, yeb qoʻya qoldim.