Hozirjavob vazir

Bir podsho bor ekan. Uning vazirini hamma dono vazir deb hurmat qilar ekan.

Bir kuni podsho vazirining donoligini sinamoqchi boʻlib:

— Bir yemakka nima yaxshi? — deb savol beribdi.

Vazir ham ogʻzidan chiqishi bilan yoqasiga yopishtirgandek:

— Tuxum! — deb javob beribdi.

Podsho jilmayibdi. Oradan bir yil oʻtganidan soʻng yana soʻrabdi:

— Nima bilan?

Vazir bu savolni kutib turgandek:

— Tuz bilan, — deb javob beribdi.

Shundan keyin podsho vazirining donoligini yaxshi anglab tahsinlar oʻqibdi.