Er-xotin va oʻgʻrilar

Bir kuni kechasi er-xotin choy ichib oʻtirishgan ekan, oʻgʻrilar tomda dupurlab yurib qolishibdi. Buni sezgan uy egasi, xotiniga:

— Choyni shopir, Shomurodga ber, toʻrdagi toʻrttoviga ber, adandagi oltisiga ber, oʻzing ichib menga ber, uxlab yotganlar baloni ichsin! —debdi.

Buni eshitib oʻgʻrilar: «Odam koʻp ekan», deb uyga tusholmay qaytib ketibdilar.