Ayiq nima dedi?

Ikki doʻst oʻrmonda ketayotgan ekan, toʻsatdan oldilaridan bir ayiq chiqib qolibdi va ularga hamla qilibdi. Ulardan biri tezda qochib ketibdi-da, yashirinib olibdi. Ikkinchisi esa qochishga ulgurolmay qolibdi, shunda yerga yotib, oʻzini oʻlikka oʻxshatib, harakatsiz yotaveribdi. Ayiq uning yoniga kelib, hamma joyini iskab koʻrgach, oʻlik gumon qilib, qaytib ketibdi. Ayiq ketgach, yashiringan doʻsti kulimsirab chiqib kelibdi va undan soʻrabdi:

— Ey doʻstim, ayik sening qulogʻingga nimalar dedi?

— U menga, «xavf-xatar duch kelganda oʻz doʻstini tashlab ketish — bu eng yomon xislat» dedi, —debdi.