Aqlsizdan nodon maslahat olar

Kunlardan bir kuni Eshchonboyning joʻxorisiga Matchonboyning tuyasi kiribdi. Oʻsha zamonlarda anchayin gapga ham qozining oldiga boraverishar ekan. Tuyani uch kishi tutib turibdi, bir kishi qozining oddiga borib:

— Qani, qozi buva, Eshchonboyning joʻxorisiga Matchonboyning tuyasi kiribdi, haydab chyqaylik desak, joʻxorini bosqilab tashlaydi, shu bachchagʻarni qanday qilib joʻxoridan chiqarsak? — deb soʻrabdi. Qozi:

— Ertaga kel, — debdi. Odamlar tuyani yotqizib, oyoqlarini bogʻlashibdi-da, ertasi kuni yana qoziga kishi yuborishibdi. Qozi oʻylab turib:

— Tuyani yiqitib, toʻrt oyogʻidan toʻrtingiz sudrab chiqing, — debdi.

Toʻrt odam tuyani joʻxorining ichidan sudrab chiqishibdi. Joʻxori esa beshbattar payhon boʻlibdi.