зувала

zuvala

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

зувала

от 1. Битта нон ясаш ёки бир марта угра кесиш учун лойиқ қилиб юмалоқланган хамир.

У онаси келганга қадар супрадаги унни қоқиб-суқиб, бир зувала хамир қилиб қўйган эди. — Ойдин, Гулсанам

Зиёдахон, зувала узар экан, ҳазиломуз жавоб берди. — А. Қаҳҳор, Қўшчинор чироқлари

[Ойша она] Супра ёзиб, зувала узди. — С. Анорбоев, Ёʻлда ёʻлдош бўлганлар

2. кўчма Асос, негиз; таркиб.

1952 йилда зуваласи Ўзбекистон тупроғидан ясалган биринчи пиёла тортиқ қилинган эди. — Газетадан

Болаликда гап кўп. Бир гражданга Зувала бўлади ахир ҳар гўдак. — А. Мухтор, Шеърлар

Товуқлар оғзидан юлиб олинган жонсиз уруғ мана бугун келажакдаги катта режаларга зувала бўляпти. — С. Маҳкамов, Бир жуфт дон

Зуваласи бир жойдан (ёки ердан) олинган Ҳар жиҳатдан бир-бирига ўхшаш одамлар ҳақида. || Сизга гапириб, овоздан ажраш ҳеч нарса эмас. Ботиров билан сизнинг зувалангиз бир жойдан олинганга ўхшайди. Б. Раҳмонов, Олтин одамлар.
Зуваласи пишиқ Жисмонан пишиқ-пухта, ёшига нисбатан бақувват, пишиқ одам. Зуваласи пишиқ кичкинагина чол [Тўғонбекни] ширин сўз билан қаршилади. — Ойбек, НавоийУ\Жўра-хон\ ўн саккиз ёшли, зуваласи пишиқ, зеҳни ўткир йигит эди. — Назармат, Жўрлар баланд сайрайди