zulm

зулм

1 ta lugʻatda: Izohli yana 7 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

zulm

ot 1. Hukmdor va hokimlarning fuqaroga, zolimlarning mazlumlarga koʻrsatgan jabri; shafqatsizlik, istibdod.

Zulm zindondan yomon. — Maqol

Aholi gʻalayonga keldi, qoʻrqqanidan emas, zulmga, zoʻrlikka, haqiqatsizlikka chidamaganidan gʻalayonga keldi. — M. Ismoiliy, Fargʻona tong otguncha

Hamma oʻz bilganicha qichqiradi, zulmdan, jabrdan shikoyat qiladi. — Oybek, Tanlangan asarlar

2. Umuman, jabr-sitam, ezish; adolatsizlik.

Kundoshlik zulmi. Zulm qilmoq (oʻtkazmoq).

Birov zulm qilsa, birov rahm qilarkan; birov osh bersa, birov non berarkan. — Oydin, Qandolatning hikoyasi

Maʼshuq ahliga yarashmas doimo zulm-u jafo. — Hamza

Odamlarga oʻtkazgan zulmi uchun Olaxoʻja xalq oldida javob bermay hech qayoqqa ketmaydi. — P. Tursun, Oʻqituvchi

Zulm koʻrmoq (yoki tortmoq, chekmoq) Nohaq jabrlanmoq, ezilmoq. Ayollar oʻtmishda hammadan koʻp zulm koʻrgan, hammadan koʻp jaholatda qolgan. — P. Tursun, Oʻqituvchi