ЗОНАЛЬНАЯ КАРТА

уюм майдони бўйлаб ишлатиш объектининг ёки кўп қатламли ишлаш объекти қатламларидан бирининг литологик тузилишининг ўзгарувчанлигини тавсифлайдиган харита. Унда коллекторларнинг жойлашиш чегаралари, ишлатиш кўрсаткичлари турлича бўлган коллекторлар чегаралари, кесим бўйича қўшни қатламлар билан туташадиган чегаралари кўрсатилади. Шунингдек, З.х.ларда қатламларнинг қалинлиги, литологик таркиби, физик хоссалари, бир-биридан фарқланадиган фациал қатчалари ажратилади ва тавсифланади. З.х.ларни тузишни биринчи бўлиб М.А.Жданов (1958) тавсия этган. Нефтли қатламлардан олинган керн, геофизик ва бошқа тадқиқотлар мажмуаси маълумотлари асосида зонал оралиқлар ажратилади. З.х.лар объект тузилишининг ҳар хиллигини, қатламларнинг ўзаро гидродинамик боғлиқлигини ўрганиш, ишлатиш ва ҳайдаш қудуқларини жойлаштиришни асослаш ҳамда уюмларни ишлаш тадбирларини ишлаб чиқиш учун зарур. Карта распространения коллекторов терминининг синоними. Зонал харита