зинғилламоқ

фл. 1. Жуда тез юрмоқ, зипилламоқ, ғизилламоқ.

Фойтунчи ирғиб тушиб, Калтаминор томон зинғиллаб кетди. — С. Сиёев, Аваз

У зинғиллаганича навбат-чи аёл ўтирадиган томонга кетди. — Л. Тожиева, Меҳрим сизга, одамлар

Кенжа зинғиллаганича уйга чопиб кетди. — Н. Фозилов, Оқим

2. Ғувуллаган товуш чиқармоқ, визилламоқ.

Қулоғим зинғиллаб кетди.

Тепада зинғиллаб учган снарядлар, миналарнинг бад садоси, олов ва тутун аралаш ер уюмлари — Ойбек, Қуёш қораймас

Лекин атрофда сукунат, қулоқларни зинғиллатувчи сукунат ҳукмрон. — С. Нуров, Нарвон

в rush (speed, tear) along

1. zırlaw, zımıraw, zıńgıw, tez júriw

2. gúwildew, shıńıldaw, ızıldaw.