зич

сфт. 1. Орасида бўш жой, тирқиш қолдирмай, бир-бирига тақаб қўйилган, ёпиш-тирилган; жипс.

Зич пол. Эшикни зич ёпмоқ.

Зич қўйилган каравотларда юзга яқин бола ухлаб ётибди. — Р. Файзий, Сен етим эмассан

Жуда қалин, дўлдай зич учаётган ўқлар самолётларнинг теварак-атрофидан визиллаб ўтиб турибди. — Т. Рустамов, Мангу жасорат

Зич қўйилган парталарни тўлатиб ўтирганларнинг ҳаммаси ота-оналар эди. — С. Зуннунова, Янги директор

2. Кўп; тиғиз, қалин.

Зич ўрмон.

Майдонча атрофида одамлар зич. — Т. Обидов, Юсуфжон қизиқ

Автобус ичида одамлар зич, ҳаво дим, турли хил атирларнинг ҳиди аралашиб, нафасни бўғадиган бир вазият юзага келган эди. — Газетадан