зайтун

от 1. Доим яшил тусда бўладиган субтропик дарахт.

Зайтун дарахтининг бўйи 4—5 метрга етиб, жуда сершох, сермева бўлади. — Газетадан

Ёки макон этар зайтун тагини, Ёки паноҳ тутар тоғ этагини. — Миртемир

2. Шу дарахтнинг олхўри шаклидаги меваси (ундан одатда мой олинади).

Атрофдаги боғларда эса анжир, хурмо, зайтун, узум пишиб ётмоқда. — М. Осим, Карвон ёʻлларида

Зайтун мойидан қилинадиган ош турклар учун энг тансиқ овқатлардан. — А. Ҳакимов, Илон изидан