zavq

завқ

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

zavq

ot 1. Kishiga lazzat bagʻishlovchi kayfiyat; shavq; xursandchilik.

Kema suvning shiddatiga dosh berolmay, goh orqaga, goh oldinga chayqalar, bundan bolalarning zavqi oshardi. — M. Hazratqulov, Jurʼat

Alimardon yana oʻsha tabassum bilan, yana oʻsha zavq bilan kuyladi. — Oʻ. Hoshimov, Qalbingga quloq sol

2. Huzur, nashʼa, gasht.

Yashash zavqin bilmoq boʻlsang, Fan togʻiga intilgin. — Yo. Mirzo

Samandarov zavq qilib kuldi va bolani qoʻlidan tortib olib, bagʻriga bosdi. — A. Qahhor, Qoʻshchinor chiroqlari

3. Qiziqish, maroq, ishtiyoq; ruhiy koʻtarinkilik.

Maʼruzachi zavq bilan soʻzlamoq-da.

Yoʻlchi nayni labiga qoʻyib, butun zavqi bilan chala ketdi. — Oybek, Tanlangan asarlar

Zavqini keltirmoq Kayfiyatini yaxshilamoq, ruhini koʻtarmoq. Bahorda koʻm-koʻk maysa bilan qoplangan dalalar, kuzda oltin-rang boshoqlarning shovullashi kishining zavqini keltirar edi. — Gazetadan