zarb

зарб

6 ta lugʻatda uchraydi JSON Shevalarda Barcha qidiruv natijalari

Izohli lugʻat

zarb

ot 1. Qattiq urilish; shiddatli, zalvarli turtki, zarba, kuch.

Eshikni zarb bilan yopmoq.

Havo toʻlqini zarbidan daraxtlar egilar, shoxlari sinib tushardi. — A. Qahhor, Oltin yulduz

Biroq navkarning oti sakrash zarbidan choʻchib, hurkib ketdi. — P. Qodirov, Yulduzli tunlar

Qilich zarbidan Xonzoda begimning boshidagi boʻrki uchib ketdi-yu, uzun sochlari yoyilib, yelkasiga tushdi. — P. Qodirov, Yulduzli tunlar

2. Qattiq urish, kaltaklash, mushtlash.

Kaltak zarbidan bola yuzini changallab qoldi. — Gazetadan

Tarro birinchi zarbdayoq yonboshiga agʻdarildi. — S. Siyoyev, Yorugʻlik

3. Biror narsaning ritmik harakati, bir tekisda urib turishi, tepishi.

Yurak-tomir zarbi.

[Suv] Oʻz yoʻlida uchragan haybatli toshlarga zarb bilan urilib qirgʻoqqa halqa-halqa koʻpik sochmoqda. — H. Nazir, Soʻnmas chaqmoqlar

4. esk. mat. Koʻpaytirish usuli, amali.

Ikkini uchga zarb qilmoq.

Mexanizm ish unumini yuzga, mingga zarb urib yuboradi, degan gap rost ekan. — U. Sarimsoqov, Oltin kalit qoʻlimda

5. mus. Cholgʻu asbobini chalganda kuch va ritm bilan torlarni chertish yoki doirani urish.

Dutorchining zarbi yaxshi.

Uspenskiy oʻzbek muzikasining tabiatini bilar, oʻz asarlarida uning ohang, zarb va pardalarining oʻziga xos intonatsiya hamda ritmikasini saqlab qola olardi. — H. Nosirova, Men oʻzbek qiziman

Zarb yemoq Qattiq urilish, turtki natijasida shikast tortmoq. Yiqilib qattiq zarb yedim.
Zarb etmoq (yoki qilmoq) 1. Tanga-chaqa, pul, orden va shu kabilarni bosib chiqarmoq, chekmoq; Malika jang lavhalari zarb etilgan kumush qalqonni qoʻliga oldi. — M. Mahmudov, Mangu kuy izlab

Oʻzbekcha-turkcha izohli lugʻat

ZARB

Qattiq urilish, kuchli, shiddatli zarba.DARBE

Ruscha-oʻzbekcha va oʻzbekcha-ruscha lugʻat

zarb

1. удар, сила

zarb bilan eshikni ochdi он с силой распахнул дверь

zar-zar toʻni bor, zarbdan panohi bor, urdi pichoqni, uning ne gunohi bor загадка золочёный у неё халатик, защита от удара есть, но вот ножом ударили – какая вина на ней есть? (Дыня)

2. мат. умножение