zarang

ot 1. Kungurador, yapaloq bargli, yogʻochi qattiq daraxt.

— Bilasizmi, — dedi u [Choʻnjar] roʻparasidagi zarang daraxtining nurda tovlangan shapaloq barglariga mamnun tikilib, — toʻqqizinchi shaxtamizning oʻzida oʻttiz millatning vakili ishlaydi. — Y. Shamsharov, Qaxramonlik yoʻli

2. Shu daraxt yogʻochidan yasalgan (idish, hassa, oʻq-yoy, egar va boshqalar).

Korsonda qimiz keldi. Bek bir-ikki zarangni ichgandan keyin yaslanib, koʻkka qarab yotib oldi. — A. Qodiriy, Utgan kunlar

Muborakning otasi qish-da duradgorlik qilar, eshik, beshik, sandal, zarang tovoq yasardi. — S. Nurov, Narvon

Daho zarang tayoqning changini kaftlari bilan sidirib tashladi. — T. Murod, Qoʻshiq

ot Zichlanib ketgan, qattiq, berch (yer haqida).

Ulkan ekskavatorlar odam qadami tegmay yotgan yovvoyi zarang yerlar toʻshini tilka qilmoqda. — H. Nazir, Oʻtlar tutashganda

Anvar zarang yerni qarsillatib tepgancha yugurib ketdi. — Oʻ. Ho-shimov, Bahor qaytmaydi

Tars yorilgan zarang yerlar ustida qizil qanot chigirtkalar uchib yuradi. — M. Osim, Elchilar