заранг

от 1. Кунгурадор, япалоқ баргли, ёғочи қаттиқ дарахт.

— Биласизми, — деди у [Чўнжар] рўпарасидаги заранг дарахтининг нурда товланган шапалоқ баргларига мамнун тикилиб, — тўққизинчи шахтамизнинг ўзида ўттиз миллатнинг вакили ишлайди. — Й. Шамшаров, Қахрамонлик ёʻли

2. Шу дарахт ёғочидан ясалган (идиш, ҳасса, ўқ-ёй, эгар ва бошқалар).

Корсонда қимиз келди. Бек бир-икки зарангни ичгандан кейин ясланиб, кўкка қараб ётиб олди. — А. Қодирий, Утган кунлар

Муборакнинг отаси қиш-да дурадгорлик қилар, эшик, бешик, сандал, заранг товоқ ясарди. — С. Нуров, Нарвон

Даҳо заранг таёқнинг чангини кафтлари билан сидириб ташлади. — Т. Мурод, Қўшиқ

от Зичланиб кетган, қаттиқ, берч (ер ҳақида).

Улкан экскаваторлар одам қадами тегмай ётган ёввойи заранг ерлар тўшини тилка қилмоқда. — Ҳ. Назир, Ўтлар туташганда

Анвар заранг ерни қарсиллатиб тепганча югуриб кетди. — Ў. Ҳо-шимов, Баҳор қайтмайди

Тарс ёрилган заранг ерлар устида қизил қанот чигирткалар учиб юради. — М. Осим, Элчилар