Zaharlanish

– turli zaharlarning taʼsir qilishi oqibatida organizm ichki muhiti va uning funksiyalarining buzilishi bilan kechadigan kasalliklar guruhi. Oʻtkir va surunkali Z. ajratiladi. Oʻtkir Z. odatda zaharning katta dozalari taʼsir etishidan soʻng yuzaga keladi va koʻpincha hayotiy muhim organlar funksiyalarining buzilishi bilan kechadi. Surunkali Z. kichik dozalardagi yoki konsentratsiyadagi zahar (mas., harf teruvchilarning qoʻrgʻoshindan Z. yoki harorat oʻlchagich tayyorlaganda simobdan Z.) ning uzoq muddat taʼsir etishi natijasida yuzaga keladi, bunda organizmda zaharning toʻplanishi yoki uning taʼsiri oqibatlari kelib chiqadi. Yuzaga kelish sharoitlariga koʻra maishiy, dori-darmonlardan va kasbiy Z. ajratiladi.

ruschaотравлениеinglizchapoisoning