yumush

ot 1. (koʻproq oddiy soʻzlashuvga xos)

2. 1 Ish, xizmat; mehnat.

Ogʻir yumush. Roʻzgʻor yumushlari.

Qaynata bilan qaynananing uydagi yumushlari har kuni ertalabdan kechgacha kelinga ibratli va insofli xotin qanday boʻlishi toʻgʻrisida nasihat qilish edi. — Sh. Rashidov, Qudratli toʻlqin

Yelkaga bahor oftobi tegib, dehqonning yumushi koʻpayib qolgan. — S. Mahkamov, Katta rulda

3. Vazifa, topshiriq.

Past baho aslo olma, Pok yuzingga dogʻ solma. Uyingga bersa yumush, Lozimdir yozib qoʻyish. — Q. Muhammadiy

Oilaning har bir aʼzosi oʻz ishi, yumushi bilan mashgʻul. — H. Gʻulom, Mashʼal

Otabek mehmonlarni tanchaga oʻtqazib, fotihadan soʻng Hasanalidan soʻradi: — Baʼzi yumushlar buyursam [Hasanali:] Buyuringiz, oʻgʻlim. — A. Qodiriy, Oʻtgan kunlar