yumshoq

юмшоқ

встречается в 5 словарях JSON В диалектах Все результаты поиска

Толковый словарь узбекского языка

yumshoq

sft. 1. Qoʻl tegsa botadigan, oson eziladigan; muloyim, mayin.

Yumshoq yostiq. Yumshoq pat. Yumshoq xamir.

Uy toʻrida, yumshoq koʻrpa ustida qargʻashoyi koʻylakli bir xotin yotar edi. — M. Ismoiliy, Fargʻona tong otguncha

U beixtiyor toʻshakday yumshoq maysazorga oʻtirib qoldi. — S. Anorboyev, Oqsoy

Qor suviga toʻygan yer xamirdek yumshoq edi. — S. Ahmad, Ufq

Normat Adolatning yumshoq qoʻli, nozik barmoqlarini kafti bilan siladi. — I. Rahim, Chin muhabbat

2. Osonlikcha turli shaklga kiradigan, ishlov berilishi oson, boʻsh.

Yumshoq yogʻoch. Yumshoq metall. Yumshoq sim.

3. Chaynalishi, yeyilishi oson; mayin, muloyim (ovqat haqida).

Yumshoq shavla.

Mana, yigitcha, yumshoq non ham olib chiqdim. — H. Gʻulom, Mashʼal

Shu yigit menga uch hafta qaradi, bir burda non topsa, yumshoq joyini menga berib boqdi. — A. Qahhor, Qoʻshchinor chiroqlari

4. koʻchma Birovga qattiq gapirmaydigan, dagʻallik qilmaydigan; muloyim.

Munavvar oʻta intelligent, yumshoq bir odamga dagʻallik qilib, ozor berganiga oʻksindi. — S. Anorboyev, Mehr

Kampir koʻpni koʻrgan, achchiq-chuchukni tatigan, yumshoqqina xotin edi. — S. Ahmad, Ota

Tabiatan yumshoq, koʻngilchan odam, yolgʻiz farzandini urishishga tili bormasdi. — Oʻ. Umarbekov, Yoz yomgʻiri

5. Yoqimli taʼsirga ega; muloyim.

Avji qish vaqti boʻlsa ham, yerda sira qor yoʻq, havo xuddi bahorday yumshoq edi. — S. Zunnunova, Yangi direktor

Hozir uning horgʻin yuzidagi yumshoq jilmayish birdan soʻndi. — A. Muxtor, Opa-singillar

dedi-da, sababini oʻzim ham bilmayman, degandek yumshoq kulib qoʻydi. — Shuhrat, Shinelli yillar

6. Ozor yetkazmaydigan; yengil.

Yumshoq jazo.

Quturmay ham nima qilsin, chayqovchilikda ayblanganlarning ustidan sudlar shu qadar yumshoq hukm chiqaradiki, bilmay-san kishi: jazo berdimi, nasihat qildimi? — A. Qahhor, Ogʻaynilar

Koʻngli yumshoq yoki yumshoq koʻngil Birovning gapiga tez ishonadigan, tez koʻnadigan; koʻngilchan, rahmdil. Ochil qanchalik tez va koʻngli yumshoq boʻlsa, Mahkam shunchalik vazmin edi. — P. Qodirov, Uch ildiz
Yumshoq supurgi

Узбекско-турецкий толковый словарь

YUMSHOQ

1. Qoʻl tegsa botadigan, mayin; qayishqoq, boʻsh.YUMUŞAK

2. Chaynalishi, yeyilishi oson; mayin, muloyim (ovqat haqida).

3. Muloyim, iltifotli.

Русско-узбекский и узбекско-русский словарь

yumshoq

1. мягкий, нежный, мягко, нежно

yumshoq non мягкий хлеб
yumshoq odam мягкий человек
yumshoq koʻngilli мягкосердечный; спокойный

qorday oppoq, yungday yumshoq как снег, белый, как шерсть, мягкий (Хлопок)

2. рыхлый

yumshoq tuproq рыхлая почва

yumshoq supurgi (букв. мягкий веник) подхалим, подлиза, угодник; соотв. мягко стелет, да жестко спать

Узбекско-каракалпакский словарь

YUMSHOQ

1. jumsaq, bos, bılqıldaq, qattı emes

2. awıs. múláyim, juwas, álpayım

3. jaǵımlı, súykimli

4. Jeńil

Узбекско-немецкий словарь

yumshoq

yumshoq oʻrindiq weicher Sessel, Polstersessel m

Сообщить об ошибке в статье