ёқут

yoqut

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ёқут И

от 1. Турли рангда товланадиган тиниқ қимматбаҳо минерал.

Ёқут кўзли ол-тин узук.

[Навоий:] Аниқ, тож гарчи ёқут, гарчи зардур, Халойиқ бошига битган зарар-дур. Уйғун ва — И. Султон, Алишер Навоий

2. сфт. Қизил, ёқутдай қизил.

[Одилбиканинг] Сарв қомати, ой каби юзи, қора қалам қоши, шаҳло кўзлари, юпқа ёқут лаблари ҳар бир кишини ўзига беихтиёр жалб қиларди. — Ж. Шарипов, Хоразм

Бир туп жайдари қизил олма мевасининг мўллигидан ҳовузга энгашиб тушган; ҳовуз сувида бир қанча қизил олма ёқутдай товланиб, жимиллаб сузади. — Ойбек, Танланган асарлар

Ёқути занжорий Сарғиш-яшил рангли ёқут.
Ёқути зулмоний Кўкимтир-қора рангли ёқут.
Ёқути райҳоний Тўқ-қизил рангли ёқут.

ёқут ИИ

от 1. Россиянинг Саха Республикасида яшовчи туркий халқнинг русча номи.

Ёқут аёл.

2. Шу миллатга тегишли, оид.

Ёқут тили.

Мақоладаги хато ҳақида хабар бериш