yoqlamoq

fl. 1. Tarafini olmoq, quvvatlamoq.

Direktorning fikrini yoqlab gapirmoq.

Koʻnglingizga kelmasin, men Boltaboyni yoqlamoqchi emasman kolxozchilarning raʼyi shu boʻlsa, bunga na siz qarshi chiqa ola-siz, na men. — A. Qahhor, Qoʻshchinor chiroqlari

Vatan ishqi, yangi davr talabini yoqlay-man. — Gʻayratiy

2. Maxsus yigʻilishda muhokamaga qoʻyilgan ishni (loyiha, dissertatsiya, diplom ishi va shu kabilarni) maʼqullatib, munosib daraja yoki unvon olmoq; himoya qilmoq.

Diplom yoqlamoq.

H. Berdiyorovning Hozirgi zamon oʻzbek tilida soʻng koʻmakchilar temasida yoqlagan dissertatsiyasini buyuk alloma Ayniy yuqori baholadi. — Nazarmat, Joʻrlar baland sayraydi

Gazeta Umidning muvaffaqiyatli dissertatsiya yoqlaganligini aytib, fotosurati bilan ixchamgina xabar bosdi. — Mirmuhsin, Umid