ёпишмоқ

фл. Ёпмоқ И феълининг биргалик нисбати.

фл. Ёпмоқ ИИ феълининг биргалик нисбати.

фл. 1. Маҳкам ушламоқ, тирмашиб олмоқ.

Васила Назаровна занжирни тушириши билан, нотаниш бир эркак отилиб кирди-ю, ёқасига ёпишди. — Ў. Ҳошимов, Қалбингга қулоқ сол

Йигитали Ая, дадамни қутқаринг, чўкиб кетяпти! деб бақирар-миш. Ўзи маҳкам отасининг сочига ёпишиб олибди. — С. Сиёев, Отлиқ аёл

Куёв томонидан ориқ, дароз, чайир бир хотин бел боғлади. Ўзгалар: ёш-қари — ҳаммаси шу икки аёлнинг белбоғига, этакларига ёпишди. — Ойбек, Танланган асарлар

2. Бирикиб, туташиб кетмоқ; жипслашмоқ; қапишмоқ.

Дўппи калнинг бошига ширачлагандек ёпишиб қолган эди. — Т. Обидов, Юсуфжон қизиқ

Шафтоли гуллари дув учиб, бир қанча гул япроқлари Чароснинг ҳўл сочларига, юзига ёпишиб қолди. — Ў. Ҳошимов, Қалбингга қулоқ сол

3. Илашмоқ.

Талъат орқаси билан сирғалиб, хирмондан тушди-ю, шимига ёпишган пахта толаларини қоқиб ташлади. — Ў. Ҳошимов, Қалбингга қулоқ сол

4. Отилмоқ, интилмоқ, талпинмоқ.

Муқаддам даҳшат ичида эшикка ёпишди: — Лобарларникига чиқаман — Ў. Ҳошимов, Қалбингга қулоқ сол

Қўзи-улоқлар тўймай қолса, ирғишлаб келиб, оналарининг елинига ёпишади. — С. Сиёев, Ёруғлик

Жангчилар кўзларини роса очмасдан, милтиқларига ёпишдилар. — Ойбек, Қуёш қораймас

5. Астойдил берилмоқ, жон-жаҳд билан киришмоқ.

Ҳар бири бир янгилик келтира-ётган бу кунларнинг шавқидан маст бўлган халойиқ ҳар қандай ишга мўр-малахдай ёпишар эди. — А. Қаҳҳор, Қўшчинор чироқлари

Мен одамлар туша солиб, телевизордагидай ишга ёпишиб кеца керак, деб кутиб тур-дим. — С. Сиёев, Ёруғлик