ёпиқ

yopiq

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ёпиқ И

сфт. 1. Ўтиш ёки кириш-чиқиш жойи тўсиб, бекитиб қўйилган; берк.

Ёпиқ эшик.

Кечаси маълум Марғилон дарвозалари ёпиқ бўладир. — А. Қодирий, Ўтган кунлар

Уйларнинг эшиклари, деразалари тақа-тақ ёпиқ. — Ойбек, Танланган асарлар

2. Тўсилган; бекитилган.

Нури—қуёшда ку-мушдай ялтировчи банорас паранжида; юзи қат-қат шойи рўмоллар билан ёпиқ, хонанинг остонаси ёнида сал эгилиб туради. — Ойбек, Танланган асарлар

3. Усти бекитилган, ёпилган.

Ёпиқ қозон.

Эрталаб соат еттиларда ётоқхона олдига усти ёпиқ юк машинаси келди. — С. Сиёев, Ёруғлик

4. Тамом бўлди, тугади.

Асқар Бакирович яна бир марта унга [Баширжонга] ва коллективга муваффақият тилаб, мажлисни ёпиқ деб эълон қилди. — Н. Аминов, Суварак

— Мажлис ёпиқ, — эълон қилди Мадёров. — Ш. Тошматов, Эрк қуши

Ёпиқ мажлис Маълум шахсларнинг иштироки билангина ўтказиладиган мажлис.
Ёпиқ овоз бермоқ

ёпиқ ИИ

сфт. Умуман ёпиладиган мато.

Той устига ёпиқ ташламоқ.

[Отнинг] Эгарлари нақшли, ёпиқлари духобадан бўларди. — Шукрулло, Жавоҳирлар сандиғи

Арк ичида кенг ётоқ, устида кашмирий ёпиқ, иккита шишқин пар ёстиқ. — М. Исмоилий, Фарғона тонг отгунча

Мақоладаги хато ҳақида хабар бериш