yongʻoq
ёнғоқyongʻoq
ot 1. Magʻzi qattiq poʻchoq qobiqqa oʻralgan koʻp yillik mevali daraxt.
Adolat chiroqlarni yoqib yuborib, yongʻoq tagidagi supaga joy qildi. — I. Rahim, Chin muhabbat
Otliqlar qoʻsh yongʻoqning yonidan oʻtib, toʻgʻonga qarab burilishdi. — O. Yoqubov, Er boshiga ish tushsa
2. Shu daraxtning mevasi.
Yongʻoq chaqmoq.
Ular bogʻga chiqib, toʻkilgan yongʻoqlarni terib turganda, Jonuzoq oqsoqol qaytib keldi. — S. Anorboyev, Oqsoy
- Bir qop yongʻoq Xushchaqchaq, ichida kiri yoʻq odam haqida. — Biz uni [Tojimatni] yoshligimizda, bir qop yongʻoq, der edik. Essiz, — deb achindi Nazarov. — S. Anorboyev, Oqsoy[Umrzoq ota:] Ha, Gʻani samovarchi eski qadrdonim. Qurmagʻur bir qop yongʻoq: borsam, sira zeriktirmaydi. — H. Gʻulom, Mashʼal
- Boshida yongʻoq chaqmoq
- Qoʻynini puch yongʻoqqa toʻldirmoq Amalga oshmaydigan, quruq vaʼdalar bilan aldamoq. Bek Laʼlining qoʻynini shu vaqtgacha puch yongʻoqqa toʻldirib kelayotganini oppa-ochiq aytdi-qoʻydi. — H. Gʻulom, MashʼalLekin men sizning qoʻyningizni puch yongʻoqqa toʻlgʻizmayman [dedi Sidiqjon]. — A. Qahhor, Qoʻshchinor chiroqlari