yoʻllamoq
ёʻлламоқyoʻllamoq
fl. 1. Yoʻl koʻrsatmoq, yoʻl boshlamoq, yoʻnaltirmoq.
Turdimat sel suvini sakkiz ariq, ikki kanalga yoʻlladi. — I. Rahim, Ixlos
Sidiqjon boʻsagʻadan bir qadam ichkarida choʻnqaydi-da, bolani yerga qoʻyib, onasiga yoʻlladi. — A. Qahhor, Qoʻshchi-nor chiroqlari
Ichkariga oldin otani yoʻllashdi, soʻngra oʻzlari kirishdi. — S. Mahkamov, Shogird
2. Joʻnatmoq, yubormoq.
Salom yoʻllamoq. Doʻstimga bir maktub yoʻlladim.
Boburga sovgʻa-salomlar yuborib, uning ixtiyoriga bir necha yuz navkar ham yoʻllabdi. — P. Qodirov, Yulduzli tunlar
- Jahannamga yoʻllamoq Oʻldirmoq, jonini olmoq. Ulamo hazratlari, ruxsat bersalar, zumda jonini jahannamga yoʻllar edik. — Oybek, Ulugʻ yoʻl
- Toʻp yoʻllamoq Toʻpni darvozaga kiritmoq. Qulay imkoniyatdan toʻpni darvozaga yoʻllay olmadi.