ёғоч
yogʻochёғоч
от 1. Дарахт, оғоч.
Отабек ҳовлининг ўртасида, тут ёғочининг ёнига келиб тўхтаган ва жанубда киши ёʻқми, деб аланглар эди. — А. Қодирий, Ўтган кунлар
2. Ёғочдан қилинган, ёғочли.
Эсимда Анҳорнинг ёғоч кўприги, Бу ерни азалдан дейишган Ўрда. — М. Шайхзода
Ёғоч уйга ердан бир қанча баланд кўтариб тахта терилган, унинг устига қанор қоплардан палос тўшалган. — И. Раҳим, Чин муҳаббат
— Қосимов маст эмасмиди? — деди Солибек қизиқиб. Унинг ҳам кайфи бор-у, аммо Ғуломжонга ўхшаб ёғоч кавуш кийган эмас. — Ҳ. Нуъмон, Фасллар
3. Қурилиш материали, хода.
Сидиқжон онаси кутгандан ҳам ортиқроқ ғайрат қилиб, ҳаш-паш дегунча ёғоч, сомон, бўйра, тахта ва бошқа нарсаларни ташиб олди ва тездан уста солди. — А. Қаҳҳор, Қўшчинор чироқлари
- Ёғоч оёқ 2. Ёғочдан қилинган ясама оёқ, протез. Масхарабозлар ёғоч оёқда рақс тушиш, оловбозлик, найрангбозлик, муаллақчиликда моҳир бўлган. — М. Қодиров, Ўзбек халқ оғзаки драмаси;Икром-жон якка оёқда кезишдан фойда ёʻқ, деб ёғоч оёғининг учига эски этикнинг таг чармини қоқиб олганди. — С. Аҳмад, Уфқ
- Ёғоч от Чўпдан ясалган болалар ўйинчоғи. Бир кун Қудрат сув сепиб тургани устига ўзидан бир яшар катта бўласи ичкаридан ёғоч от миниб чиқиб қолди. — М. Исмоилий, Фарғона тонг отгунча
- Сим ёғоч Солиҳ гоҳ у ёққа, гоҳ бу ёққа гандираклаб кетар, деворга, сим ёғочга суяниб қоларди. — Ҳ. Назир, Ёнар дарё