йирик

сфт. 1. зид. Ҳажми, ўлчамлари, қиймати жиҳатидан нисбатан катта; майда.

Йирик марварид. Йирик гуруч. Йирик том-чи. Йирик олма. Йирик пул.

Аҳмад тан-бал қаҳр билан ўрнидан турди ва йирик тишларини иржайтириб қўшиб қўйди. — П. Қодиров, Юлдузли тунлар

Дарахтлар пакана, меваси мўл ва йирик. — Ойбек, Танланган асарлар

Оқшом тушиб, ташқари қоронғилашиб қолган, гупуллатиб йирик-йирик қор ёғар эди. — Газетадан

2. Катта куч-қудрат ва имкониятларга эга бўлган, кўлами кенг; катта.

Йирик корхона. Йирик хўжалик.

Зомин ғаллачилик хўжалиги ҳудудида йирик сув омбори қуришга киришилди. — Ўзбекистон қўриқлари

Бугунги Тошкент — йирик саноат, фан ва маданият марказларидан бири. — Саодат

3. Эътибори, аҳамият даражаси юқори, ортиқ бўлган; катта.

Йирик анжуман.

Мамлакатимиз ҳаётидаги бирон-бир йирик воқеа ёʻқки, унда халқлар дўстлиги, биродарлиги намоён бўлмаган бўлсин. — Р. Файзий, Таъзим

Боболаримизнинг табиий фанларни тараққий эттириш борасидаги муваффақиятларининг сири эса фанда йирик кашфиётлар яратишдек мушкул ва машаққатли иш бўлиб қолди биз учун. — С. Кароматов, Олтин қум

4. Ўз иши, фаолияти ёки таъсири билан кўзга кўринган, шуҳрат-обрў қозонган; атоқли; нуфузли.

Йирик мутахассис. Йирик одам. Йирик адиб.

Собирни бунга дадаси — йирик математик Султонов ундаган эди. — О. Мўминов, Хиёбондаги уч учрашув

Хадича Сулаймонова ажойиб инсон, йирик жамоат арбоби, яхши она эди. — Саодат