йиғма

сфт. 1. Фойдаланилмайдиган пайтда йиғиб-тахлаб қўйиладиган, йиғиладиган.

Йиғма курси.

Бу ерда [палаткада] уч йиғма койка бир-бирига тақаб қўйилган эди. — А. Мухтор, Давр менинг тақдиримда

Бир неча киши машиналардан ғириллатиб кўтарилган йиғма нарвонлардан бино томларига чиқа бошлади. — М. Хайруллаев, Тилла маржон

Чўлда икки ва бир хонали йиғма уйлар қурилди. — Ўзбекистон қўриқлари

2. Турли қисм ёки элементлардан йиғилган, бир бутунни ташкил қиладиган; терма.

У яқинроқ бориб, эълон тагидаги рўйхатни кўрди: Қишлоқ ўқувчиларининг ёзги йиғма отряди. Унда йигирмадан ортиқ боланинг номи ёзилган. — Ҳ. Назир, Сўнмас чақмоқлар

Ёшларнинг вакиллари йиғма оркестр садолари остида стадион майдонини айланиб чиқишади. — Газетадан