йиғинди

от 1. Бир турли нарсаларнинг бир жойга тўпланган ҳолати, тўплами, мажмуи.

Қонунлар йиғиндиси. Қарорлар йиғиндиси.

Ҳар қандай материя алоҳида доналар йиғиндисидан тузилади. — Қизиқарли геохимия

Шовқин ҳар хил куч даражасидаги товушлар йиғиндисидир. — Газетадан

Шоирнинг нафис шеърлари ҳозир унинг учун тузсиз сўзлар йиғиндисидан бошқа нарса ҳам эмас эди. — А. Қодирий, Ўтган кунлар

2. мат. Икки ёки бир неча соннинг қўшилиш натижаси, ўзаро қўшилган сонлар мажмуи.

Уч, олти ва ўн бир сонларининг йиғиндиси йигирма бўлади.