етти

yetti

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

етти

сон 1. 7 рақами ва шу рақам билан ифодаланган сон, миқдор.

Етти киши. Етти сўм. Етти метр. Етти меҳнат куни. Етти ўлчаб, бир кес. — Мақол

Ёмондан қоровул қўй-санг, ёв етти бўлар. — Мақол

2. этн. Вафотнинг тўртинчи куни ўтказиладиган маросим, маърака.

Кеча, одатга мувофиқ, нари-бери етти қилинди. — Ойбек, Танланган асарлар

3. Айрим сўзлар билан қўлланиб, маънони кучайтириш учун хизмат қилади.

Етти ухлаб тушимга кирмаган. Етти қовун пишиғи бор.

Муллажон амаки етти маҳалланинг катта устаси. — Э. Раимов, Ажаб қишлоқ

Боланинг кўнглига қараб расво қиляпсизлар, етти хуфтонга қадар юришга чакки ўрганди. — Ойдин

Номи етти қишлоққа кетган Бувниса хоним-а! — Р. Файзий, Чўлга баҳор келди

Етти букилмоқ Ортиқ даражада иззат-ҳурмат қилмоқ, ўта сиғинмоқ.
Етти ёт бегона
Етти иқлим
Етти оғайни Яққол кўриниб турадиган, чўмичсимон ўрнашган, етти юлдуздан иборат шимолий бурж (юлдузлар туркуми); Етти қароқчи, Катта айиқ.
Етти пушт
Етти хуфтонгача
Кичик етти оғайни Қутбга яқин, чўмичсимон жойлашган, етти юлдуздан иборат шимолий бурж (юлдузлар туркуми); Кичик етти қароқчи, Кичик айиқ.