yetim
етимyetim
ot 1. Otadan, onadan yoki har ikkovidan ajralgan.
Yetim bola. Yetim qoʻzi.
Ularning biri olti yashar, biri toʻrt yashar yetim nabiralari Unsinni sevadilar. — Oybek, Tanlangan asarlar
Hali ovqat yeyishga oʻrganmagan toʻrtta buzoq koʻzlari moʻltirab yetim qoladi-yu, achinmay boʻladimi? S. — Anorboyev, Oqsoy
2. koʻchma Tashlab qoʻyilgan, eʼtibor berilmaydigan, qaralmaydigan shaxs yoki narsaga nisbatan qoʻllanadi.
Ayniqsa, bizning bechora moʻytan urugʻi — qoʻngʻirot elining shoʻrlik yetimi, bir shapaloq ursa ham, evaziga jon berib kelgan. — A. Muxtor, Qoraqalpoq qissasi
- Tirik yetim Otasi yoki onasi yoki har ikkovi tomonidan tashlab ketilgan qarovsiz bola. Oʻgʻlingni tirik yetim qilma. Bolang tufayli har qancha ogʻirchilik boʻlsa, ustingga ol. — A. Qahhor, Qoʻshchinor chiroqlariIstardikki, yetim, tirik yetim soʻzlari dunyoda yoʻq boʻlsa, faqatgina kitoblardagina qolsa. — Gazetadan
- Yetim qovurgʻa