Ер ости сувларининг генетик тури

А.А.Карсев (1972) таснифига кўра ер ости сувлари икки: эндоген ва экзоген гуруҳга бўлинади. Эндоген сувлар тоғ жинсларида, магматик ўчоқлар ва катта чуқурликларда ҳосил бўлади. Экзоген сувлардан, асосан, седиментоген ва инфилтрацион турлари ажратилади. Седиментоген сувлар чўкинди жинс билан бир вақтда ҳосил бўлиб, уларнинг таркиби ер юзасига яқин жойлашган ҳавзалар сувига тўғри келади. Инфилтрацион сувлар тоғ жинсларига кейинроқ шимилган сувлардан юзага келади. Нефт ва газ уюмларининг ҳосил бўлиши асосан седиментацион генезисли сувлар билан боғлиқ.