ем

yem

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ем И

от 1. Ҳайвонларга бериладиган ғалла маҳсулотлари ва улардан тайёрланадиган озуқа.

Ем еган от тўрвани тешар. — Мақол

Янга охурдаги емини ямлаб ютаётган сигирга қаради. — С. Нуров, Карвон

Тарлонга азонда беш кило, тушда беш кило, оқшомда ҳам шунча арпа ем бердим. Т. — Мурод, От кишнаган оқшом

2. Қўлда боқиладиган қушларга бериладиган гўшт.

3. Қармоққа ёки тузоққа илинтириб қўйиладиган гўшт, чувалчанг ва шу кабилар

Баланд (ёки катта) охурдан ем емоқ Ҳаёт, маишат даражаси юқори бўлмоқ (якка шахс ҳақида). Сиз баланд охурдан ем еб юрган болага ўхшайсиз. — С. Сиёев, ЁруғликСен катта охурдан ем еб ўргангансан, чидолмайсан. — А. Қаҳҳор, Қўшчинор чироқлари
Ем бўлмоқ Нарсага ёки кимсага емиш бўлмоқ, йиртқичлар оғзига тушиб ҳалок бўлмоқ. Икки шунқор талашса, бир қарғага ем бўлар. — Мақол— Турғуной, — деди Мастон, — шу ерда қоладиган бўлсак, бўрига ем бўламиз. — А. Қаҳҳор, Мастон
Оқ ем бўлмоқ Сувда кўн туриб ёки чайналавериб оқариб кетмоқ (эт ёки тери ҳақида). Оғзидаги оқ ем бўлиб кетган чандирни олиб, намат тагига қистирган кампир йиғлаб юборди. — С. Аҳмад, Ҳукм

ем ИИ

от От оёқларида ҳосил бўладиган чиқиқ, шиш касаллиги.

Отнинг оёғига ем тушса, оёғи қотиб қолади. Пайлари дириллаб учади. — Т. Мурод, От кишнаган оқшом