ясанмоқ

фл. 1. Ясан-тусан нарсалари билан безанмоқ.

Тўйга борадиган хотинлардек ясанмоқ. Кўча ясанган одамлар билан тўлган.

У жуда ясанган, билакларида қўш-қўш олтин билагузуклар, бармоқларида бриллиант кўзли узуклар. — Ойбек, Танланган асарлар

Ойша хола менинг ясаниб олганимни пайқади шекилли, сўраб қолди: — Бир ёққа бормоқчимисиз, ўғлим? — О. Ёқубов, Тилла узук

2. кўчма Гўзал, яшнаган кўриниш касб этмоқ; гўзаллик, чиройга бурканмоқ.

Қуёшнинг зар кокили билан Ясанибди кенг пахтазоринг. — Ғайратий

Олам бирданига ясанди-ю, чамандек яшнаб, нурга кўмилди. — Ш. Рашидов, Қудратли тўлқин