япроқ

от 1. Ўсимликларнинг ҳаводан озиқланиш ва газ алмашиниш учун хизмат қилувчи, одатда юпқа варақча шаклидаги асосий вегетатив аъзоларидан бири; барг.

Яшил япроқлар. Кузги япроқ. Гуллар япроқ чиқарди. Дарахт — япроғи билан кўркам, одам — меҳнати билан. — Мақол

Ҳадемай карнайгуллар ипларга чирмашиб, катта-катта япроқлар отди. — А. Қаҳҳор, Қўшчинор чироқлари

Куздан дарак берувчи сарғайган япроқлар ёʻл устида, ариқ бўйида ётарди. — Ж. Шарипов, Саодат

2. Бир бўлак юпқа нарса ҳақида.

Бир япроқ қази.

Ҳолвафуруш токчадаги қалин бир китобни очиб, унинг орасидан бир неча япроқ яп-янги, шалдироқ қоғоз олиб узатди. — Ойбек, Навоий