янга

от 1. Аканинг хотини (ука ва сингилга нисбатан); келинойи.

— Мен билет олиб бораман, — дейди акаси билан янгасига. — Гулдаста

Янгамнинг ошини мазали қилган акамнинг масаллиғи, демоқчисиз-да. — Н. Сафаров, Жасоратнинг давоми

2. Ёши ўзига нисбатан катта бўлган аёлга (ўзга аёлга) нисбатан қўлланади.

Буғдой-зорда бир кўринг Санам янга кучини. — Шарқ юлдузи

Сотувчи телпакни олиб, бир пуфлади-ю, чўзди: — Марҳамат. Олинг, амаки, янгам қувонади — С. Сиёев, Отлиқ аёл

3. этн. Никоҳнинг иккинчи куни кечаси келин билан куёв хизматида қолувчи икки хотиндан бири.

Янгалар келинни ичкари киритиб, тўй эгалари рўпарасига турғизишди. Сўзамол янга маросимни бошлади. — Р. Раҳмонов, Келин

Янгалар Кумушни қизларга топшириб кетдилар. — А. Қодирий, Ўтган кунлар