yalpi

1. Hammaga tegishli, umumiy.

Yalpi safarbarlik.

Baʼzan jamoa shoʻrosi ham yalpi majlislarini shu yerda oʻtkazardi. — H. Shams, Dushman

Aʼzosi boʻldi bu ham Yalpi hayotning, Ishga soldi, rostladi Singan qanotni. — Gʻayratiy

2. Hammasini qoʻshib hisoblaganda, butunicha; hamma, umumiy.

Birlashma kvartal planini yalpi mahsulot boʻyicha ancha oshirib bajardi. — Yoshlik

Yigʻim-terim yakunlari, yaqin oʻtmishda boʻlganidek, yalpi natija boʻyicha emas, balki olingan tolaning sifati boʻyicha baholanadi. — Gazetadan

3. ayn. Yalpisiga.

Xalqni yalpi koʻtarish kerak. — Oybek, Oltin vodiydan shabadalar

Sarbozlar yalpi oʻq uzib kelmoqdalar. — Sharq yulduzi