Хрестоматия

хрестоматия. Бирор программа асосида турли ёзувчи ва шоирларнинг асарларидан танлаб олиб, маълум тартибга солинган ўқув қўлланмаси. Хрестоматиялар дастлаб диний мактаблар томонидан тузилган бўлиб, уларда пайғамбар ва авлиёлар, одамнинг яратилиши ҳақидаги диний асарлардан парчалар келтирилган. Ҳозир хрестоматиялар ўрта мактаблар ҳамда олий ўқув юртлари учун тузилади ва унда ўқув программасида кўрсатилган ёзувчиларнинг асарларидан парчалар берилади. Бундай хрестоматиялар мактаб адабиёт дарсликлари қатори кенг қўлланилади.