хотиржамлик

от 1. Руҳан тинч бўлишлик, осойишталик.

Ўзимдаги бундай ногаҳоний журъат ва хотиржамликдан бир зум ҳайратга тушдим. — О. Мўминов, Хиёбондаги уч учрашув

2. Бирор кимса ёки нарса халақит бермайдиган тинч шароит.

[Низомжон:] Бошқа бир келасизлар энди хотиржамликда. — А. Муқимов, Ғалати одамлар

[Холмат Рузвонга:] Келинг, ойимпошшо! Хотиржамликда сўзлашиб, ҳасратлашиб олайлик! — Ҳамза, Ким ўғри?

3. Беғамлик, бепарволик.

Хотиржамликка берилиш кайфияти.

Навоий Тарихи мулуки Ажамда ҳам подшоларнинг ғурурга, кайф-сафога, хотиржамликка берилиши оқибатида мамлакат ва халқни ёмон аҳволга солиб қўйишини кўрсатиб беради. — ЎТА