xotira

хотира

1 ta lugʻatda: Izohli yana 10 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

xotira

ot 1. ayn. Xotir 1.

Xotirasi kuchli odam.

Ziyoda tiyrak qora koʻzlari bilan kuldi va shu qiyofada Zargarovning xotirasiga oʻrnashib qoldi. — A. Muxtor, Boʻronlarda bordek halovat

2. Biror kimsa yoki narsa haqidagi yodda, esda saqlangan taassurot.

Sayohat xotiralari.

U [Mansur] Bogʻishamol nafasini, oʻtmish soʻqmoqlarida qolgan bebaho bolalikning aziz xotiralarini olib kelgan bu yigitga havas bilan qarar edi. — Oʻ. Hoshimov, Qalbingga quloq sol

3. Esdalik, yodgorlik.

[Botir Dilbarga:] Salom! (kitobni uzatib) Mendan sizga xotira. — N. Safarov, Hayot maktabi

[Chaqaloqning] Otini Shavkat qoʻyaman! Shavkat! Shavkatli kunlarimdan xotira boʻlsin! — derdi [Alimardon]. — Oʻ. Hoshimov, Bahor qaytmaydi

4. Xotira (xotin-qizlar ismi).

Xotira daftari Xotira, esdaliklar yoziladigan maxsus daftar. Xotira daftarlarim orasidan yoʻqotib yurgan koʻk daftarcham chiqib qoldi. — N. Safarov, Olovli izlar

Maqoladagi xato haqida xabar berish