Хориямб

xoriyamb. Antik sheʼr vaznidagi xorey (q.) hamda yamb (q.) stopalarining birikishidan tashkil topgan, choʻziqligi olti moraga teng toʻrt hijoli stopa. Rus sillabik-tonik sheʼrida xoriyamb xorey va yamb stopalarining shartli qoʻshilishidan yuzaga keladi. Uning shartli sxemasi — ◡◡ — boʻlib, urgʻu birinchi stopadagi birinchi hijoga, ikkinchi stopadagi ikkinchi hijoga tushadi. Xoriyambdagi urgʻuli hijolarning oʻrnini butunlay teskarisi — ◡◡ — tarzda almashishidan antispast deb ataluvchi yangi stopa yuzaga keladi.