xomush

хомуш

1 ta lugʻatda: Izohli yana 6 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

xomush

sft. 1. Gʻamgin, kayfiyati yoʻq; maʼyus.

Otabek xomush oʻtirar, Hasanali esa uning holini taʼqib etmoqda edi. — A. Qodiriy, Oʻtgan kunlar

[Ahmad] Parishon va xomush bir kayfiyatda zoʻr-bazoʻr qadam bosib, ishxonasi tomon yoʻl oldi. — F. Musajonov, Himmat

2. Oʻychan, soʻzsiz.

U [chol] tajang boʻlmagan vaqtda koʻpincha boshi yarim qiyshaygan, xayolchan, xomush yuradi. — Mirmuhsin, Zanglagan qilich

Komandir jim, komandir xomush. — U. Nosir

3. koʻchma Avzoyi buzuq, jimjit (ob-havo haqida).

Shamol bosilgan Tabiat xomush. — H. Gʻulom, Mashʼal

Xomush tortmoq Maʼyuslanmoq, kayfiyati buzilmoq. — Hammasi joyida deysanmi? — Bolta muallim xomush tortdi. — Qaniydi shunday boʻlsa. Afsuski, bunday emas. — N. Norqobilov, Toʻqnashuv
Xomush bulut Qora bulut. Zilziladan chalavayron shahar ustida xomush bulut karvonlari vazmin surgaladi. — H. Gʻulom, Zamin yulduzlari