хомуш

xomush

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

хомуш

сфт. 1. Ғамгин, кайфияти ёʻқ; маъюс.

Отабек хомуш ўтирар, Ҳасанали эса унинг ҳолини таъқиб этмоқда эди. — А. Қодирий, Ўтган кунлар

[Аҳмад] Паришон ва хомуш бир кайфиятда зўр-базўр қадам босиб, ишхонаси томон ёʻл олди. — Ф. Мусажонов, Ҳиммат

2. Ўйчан, сўзсиз.

У [чол] тажанг бўлмаган вақтда кўпинча боши ярим қийшайган, хаёлчан, хомуш юради. — Мирмуҳсин, Занглаган қилич

Командир жим, командир хомуш. — У. Носир

3. кўчма Авзойи бузуқ, жимжит (об-ҳаво ҳақида).

Шамол босилган Табиат хомуш. — Ҳ. Ғулом, Машъал

Хомуш тортмоқ Маъюсланмоқ, кайфияти бузилмоқ. — Ҳаммаси жойида дейсанми? — Болта муаллим хомуш тортди. — Қанийди шундай бўлса. Афсуски, бундай эмас. — Н. Норқобилов, Тўқнашув
Хомуш булут Қора булут. Зилзиладан чалавайрон шаҳар устида хомуш булут карвонлари вазмин сургалади. — Ҳ. Ғулом, Замин юлдузлари