xit
хитxit
ot Tajang, asabiy; boʻgʻilgan.
Men, darvozani yopib, ichkariga kirdim. Negadir xit edim. — Sh. Xolmirzayev, Ogʻir tosh koʻchsa
- Koʻngli xit Taʼbi xira, koʻngli gʻash. — Koʻnglim xit boʻlib, divanga yonboshladim, — dedi Uchqun. — O. Yoqubov, Bir felyeton qissasi
- Xit boʻlmoq Asabiylashmoq. Rustam bobo halidan buyon suhbatga aralasholmagani uchun, bahona topolmaganidan, xit boʻlib turgandi. — X. Toʻxtaboyev, Yillar va yoʻllar
- Xit qilmoq Yurakni siqmoq, asabiylashtirmoq. Bosim oʻtirib, xatlarga javob yozaverish odamni xit qilib yuboradi. — F. Musajonov, Himmat[Shum bola:] Xoʻjayin, deyman, oʻzingiz ham juda xit qilib yuborar ekansiz-da! — Gʻ. Gʻulom, Shum bola