ХИМИЧЕСКИ СВЯЗАННАЯ ВОДА

minerallarning kristall panjarasidagi suvlar. V.I.Vernadskiy (1937) K.b.s.larning quyidagi turlarini ajratdi: konstitutsion, kristallizatsion va seolit suvlar. Minerallar tarkibidagi seolit suvlar miqdori beqaror boʻlib, undan yengil ajraladi, uni adsorbirlangan suvlardan ajratish qiyin. Mas., opal minerali ($SiO_2 \cdot nH_2O$) tarkibida seolit suv uchraydi. Kristallizatsion suv ayrim minerallarning kristall panjarasi tarkibiga kiradi va uning miqdori doimiy boʻladi. Mas., gips $CaSO_4 \cdot 2H_2O$ yoki mirabilit $Na_2SO_4 \cdot 10H_2O$ minerallari. Suv mineraldan chiqarib yuborilganda ham u toʻliq parchalanmaydi. Konstitutsion suv mineral toʻliq yemirilganda undan ajralib chiqishi mumkin, shu sababli uni yer osti suvlari xiliga qoʻshish tavsiya etilmaydi., Kimyoviy bogʻliq suv