хил

xil

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

хил

от Бирор нарсанинг нави, тури; зот, жинс.

Икки хил фикр. Атласнинг етти хил ранг жилоси.

Лекин Карим Тоиров дегани ҳам бўш келмайдиганлар хилидан экан. — С. Аҳмад, Юлдуз

Ичимликларнинг қайси хилидан сўрасангиз — тайёр. — С. Зуннунова, Олов

Дилдор қошларини, елкаларини учириб, минг хил муқом билан қўшиқ айтарди. С. — Аҳмад, Уфқ

Бир хил 1. Бир турли; ҳар жиҳатдан тенг. Кунлар бир хил, кунлар зерикарли. — С. Сиёев, ЁруғликТош кўзага тушсаям, кўза тошга тушсаям, оқибат бир хил — тош синмайди, кўза синади. — С. Сиёев, ЁруғликКўп лашкар вағирлашди, Тоғларнинг қуши учди. Қўрқоқнинг ҳуши учди, Бир хили отдан тушди. — Юсуф ва Аҳмад
Бир хил бўлиб кетмоқ Тўлқинланмоқ, ҳаяжонланмоқ; ўзини ноқулай сезмоқ. У бўйинбоғини боғларкан, хотинига разм солиб, кўнгли бир хил бўлиб кетди. — С. Нуров, Майсаларни аёз урмайди
Хил тушмоқ (ёки келмоқ) Бир-бирига мос келмоқ, мос тушмоқ. Кўп ўтмай [Набижон билан раиснинг] ораларидан ола мушук ўтадиган, гаплари гапларига хил келмайдиган бўлиб қолди. — Ф. Насриддинов, Ота ўғли